सोलापूर : (निधन वार्ता) राष्ट्रवादीचे नेते महेश कोठे यांचे निधन ;सोलापुरात राजकीय क्षेत्रात खळबळ सोलापूर शरदचंद्र पवार राष्ट्रवादी काँग्रेसचे नेते माजी महापौर सोलापुरातील एक मोठं राजकीय प्रस्थ असलेले महेश कोठे यांचे निधन झाल्याची माहिती समोर येत आहे. या घटनेने सोलापुरात खळबळ उडाली असून अतिशय धक्कादायक एक्झिट मानली जात आहे.
मिळालेल्या माहितीनुसार,महेश कोठे हे प्रयागराज येथे कुंभमेळ्यासाठी गेले होते, त्या नदीमध्ये शाही स्नान करून बाहेर पडले त्यानंतर थंडी मुळे रक्त गोठले आणि त्याच वेळेस त्यांना हृदयविकाराचा जोरदार झटका आला. हॉस्पिटलमध्ये नेण्यापूर्वी त्यांचा मृत्यू झाल्याची माहिती समोर आली आहे.
माजी महापौर महेश कोठे यांचे पार्थिक आज रात्री उशिरा प्रयागराजहून सोलापुरात आणले जात आहे. त्यांच्या पार्थिवावर उद्या बुधवारी १५ जानेवारी रोजी सकाळी ११ वाजता पुणे नाका येथील स्मशानभूमीत अंत्यसंस्कार करण्यात येणार. तत्पूर्वी बुधवारी सकाळी त्यांच्या पार्थिवाचे राधाश्री निवासस्थानी अंत्यदर्शन घेता येईल.
मुरारजी पेठेतील निवासस्थानापासून निघणार अंत्ययात्रा
सोलापूरचे माजी महापौर आणि राष्ट्रवादी काँग्रेस शरद पवार गटाचे नेते महेश कोठे यांच्यावर उद्या सकाळी ११ वाजता जुना पुणे नाका येथील स्मशानभूमीत अंत्यसंस्कार होणार आहे.
महेश कोठे यांचे पार्थिव आज सायंकाळी ७ वाजता प्रयागराज येथून एअर ॲम्बुलन्सने पुण्याला आणण्यात येणार आहे. ही एअर ॲम्बुलन्स रात्री सुमारे १०.३० वाजता पुण्यात पोहोचणार असून तेथून महेश कोठे यांचे पार्थिव रुग्णवाहिकेतून उद्या पहाटे सोलापुरात पोहोचणार आहे त्यांच्यावर उद्या सकाळी ११ वाजता जुना पुणे नाका येथील स्मशानभूमीत अंत्यसंस्कार होणार आहे.
